ROMANO CENTRO Nr. 32, 03/2001

< zurück | Englisch

Muřo Romano Centro

Muři angluji bući pala "European Roma Rights Center" sas, te dikhav thaj te sićov e situacija le Řomenđi ande Austrija, pe kača sama arêslem anglunes ando birovo kata RC. Angla kodo sîmas ando …exo, numa kote nas vorta pe muři sama, anda kodja sas muřo angluno importantno źanglimos la tematikasa, pe savi kêrav već 5 bêrš bući, o RC. Kote maladjilem bute manušênca kaj sas le brige taj pharimos le foroskê ranca kata 'l Austrijakê themeskê institutur, kê la Austrijakê zakonur vunivar phares haćardon. Aj maladjilem vi razni manušênca, save ćidisajle pe Řomenđi sama, manuša pe maj but fjal, save zumavenas te den dumo Řomen. Maladjilem taj pinźandjilem misionaronca aj po gor i me korkořo kêrdilem misionari. Ando RC sićilem le puśimata, kaj puśen le Řom jek-avrestar aj sićilem kaj sî but važno te thol pe laśes kan pe 'l puśimata. .... Arakhlem ando RC manušên dukhade ilengê, arakhlem manušên, kaj sî zurales angažuime pe jek sama, pa savi aver manuš či na řanden peśći godji.

Maladjilem manušênca kaj sî vastune taj but bufle ilengê, kaj sîkade mangê pe savko vrjama kasavi bari paćiv, kaj či arakhlem la khatinende. Kanagod sî ma vrjama (bezêx kê naj ma prja but kača šansa) ankjlav ando vozo taj źav te dikhav le źenen ando RC. Jek djes ando RC sî mangê jek baxtalo djes sar naj prja but aver djesa. Vuni bêrš papale ćindem mangê jek CD taj arakhlem jek teksto po lil kaj sas pašê. Po lil ramolas o musičari andaj Srbija: "O Romano Centro sî o than le Řomengo". Haćardem, kê kodja avilo vorta anda ilo le Řomesko. O RC mol maj but sar numa daštiv te haćarav.

katar o Claude Cahn, ERRC, Budapest

Kado teksto sî maj skurto sar o originalno kaj sî ramome pe englezicko śib!

Foto: R. Erich

ROMANO CENTRO Nr. 32, 03/2001