ROMANO CENTRO Nr. 30, 09/2000

< zurück | Deutsch

E Romni S.G. kata o gav Orasije/Ariste mothol

Mo alav si S. G. Si ma tranda taj duj berš. Me bijandilem an i Djakovica. šov čhavre si ma već man, šov čhavre. Ni tromav te iklav katene, e gadže phenen: "Naj tumaro than kathe! Našen katar! Mućhen o than, senah tumen dasenca!" Ani amen samah lenca an o gav, von si maj tele amen sam maj opre. Sose, e gadže naj samo e Rom, samah an i bući e dasenca. Kana irisajlem katar e Podgorica semah khamni. Irisajlem, dije mandje an o bor, mangena te čhinen amen. Djele me rome te čhinen leh. Ej me Romeh garademah leh, već me poreha ko muj taj čhavrenca, pandže čhavrenca semah. Ej athar durile mandar. Phende: "Ka avah maj fon!" So sah ma man, več krejt čorde le mandar. Me kana avilem naj sah ma sahana, naj sah manro, naj sah ma tendjera te ćiravav. Džah te lah harč, den amen fusuj kaj ni ćirol hič. Kana džasa: "Sose tumen e Roma aven te len kateke? Sose? Džan tele ke das te len!" O das phenel: "Tu san gadžesa!" Kasa te avah amen? Džah ko gadžo, o gadžo phenel tuće: "Naš katar, dža ko das, ke tu glasisardan lese!" Džah ko das, phenel: "Naš katar, tu dža ko gadžo, se tu san te bićine ma tu gadžese!"

Aj ame ni džanah kaj te džah. O ivend si te avel, kaš naj, sanore na, bući katine na! Me ni džanav sar te ćerav. Khonik te pomožarel na! Čhinde amendar vi kala ndimi, ka den amen, čhinde len krejt. Akana naj amen khanči, već ka lav kal čhavren taj ka našav pale katar drejt. Me ni džanav sar te živiv kate, bi bućako sim štir, se le čhavre roden te xan. Dikh so brin si! So te dav le te xan? Ni džanav so te ćerav! Okola so si amare kaj an e Podgorica si kaj kodoteke. E gadže, te aven von kate, von mudaren len, se roden len. Akana ni džanav so te ćerav. Raćaha naj sam slobodno, djivese naj sam slobodno. Džah an o foro, phenen: "Tu san Rom! So rodeh?

Mi maj bari dar: Si ma jeg čhori dešuduje bêršendji. Me darav te na čalaven la mandje kola, ka pharaven la. Den andre, mudaren me romeh. Se phenen: "Sa sam te čhinah tumen!" O čhavre si grima. Len el čhura taj phenen le čhavrendje: "Ka mudarah tumen!" Koja si munri maj bari dar. Phenen: "Ka čhinah tumen, ka mudarah tumen!" Me godolese darav maj but. Me darav te ikljav pe autobusura, darav pe pruga te džav. Ake ke mi familija za djurdjevdan ni djelem, za bajrami ni djelem. Darav te čalavel ma khonik čhavrenca. Mudarde e Romeh, maškar o foro mudarde leh, ake si jekh čhon taj ek paš.

(Kado teksto lem po magnetofono tas kotar ramosardem les po lil Mozes)

E gadže phenen: "Naj tumaro than kathe! Našen katar! Mućhen o than, senah tumen dasenca!"

Photo: M. Heinschink

ROMANO CENTRO Nr. 30, 09/2000