ROMANO CENTRO Nr. 25, 06/1999

< zurück | Deutsch

Le Doljenski Řom

Ande Slovenija sî trin bare řomane grupe, kaj sî jek avrjatar dosta razlikujime. Ka jek grupa,ka bućen Dolenjski Řom sas o Mozes kol djes. Le Dolenjski Řom dabi sî spomenime ande maj puraji literatua pa `l Řom. Ande lendji śib arakhas jek čačo infinitivo aj but xancî grecijakê svatur. Pala efta, oxto taj inja von mothon: sedam, osam, devet. But Řom anda lendji faita bêšên pe `l thana: Novo mesto, Metlika, Ćrnomelj thaj Kanižarica. O Mozes gêlo i ka o Rajko Šajnovič, kaj sî jek laśo poeto haj ramol poezija ande Dolenjski Řomendji šib. Ando bêrs 1995 ankljisti ando Novo Mesto leśći angluji lirikaći knjiga, anavesa "Pot/Drom". Ando bêrš 1991 ankaladja o Rajko Šajnovič vi jek řomano alavari (rečniko) palaj škola. Ande řomaji mahala Šmihel sîkavel e řomaji śej e Jelenka Kovačič le řomane śavořên. Vi e Jelenka hramol poezija pe peśći řomaji śib. Naučno kêrel e Dr.Pavla Štrukelj bući pe řomaji sama. Laći knjiga "Romi na Slovenskem" sî jek standartno bući pa `l Řom ande Slovenija. Le Řomengê sî e Pavla Štrukelj but drago.

Dive
Rajko Šajnovič

Azden pe, Roma
alaven jak,
oven vesalo,
Singt und tanzt.
djilaven, khelen!
Muzikantarja muzikinen!
Ma mislinen
po bokhale pera,
taha hi lo još jek dive.
Dive pobisteren
po sa skrbi,
vesalo oven,
muzikinen, djilaven,
i phro khelibe khelen,
Roma...

Nedožno čhavoro
Rajko Šajnovič

Čumido tute Devloro,
mro čhavoro hilo bokhaloro
i nasvaloro
pa na djano jere.
Mro čhavoro hi lo nedožno
Pomozin leske da saščovi.
ov nije nič zakrivin.
Na trome leste pobisteri
ov nije nič zakrivin.
Tuni sa hike, Devloro,
i sa djane,
oprostin leske ako so grišindja
pomozin leske i rešin leste
sa nahlipe.

Mande hi li čhaj
Jelenka Kovačič

Mande hi li čhaj
Šužori sar zlato
Mujoro la parnoro
A jačha la kalora
Mande hi li čhaj
Šužori sar roža
Vastora la parnora
i prstani pu prsti
Rado pe dikeram
i šukar živinam
Late meni na du
Su celo them.

Rom
Rajko Šajnovič

Hino Rom
kokoro.
Mule man več
dajori i dadoro;
naj ma
phraloro ni phenori.
Manca hi le zvizde,
i khamoro,
beršin i jivoro
bura i vešoro.
Zdravan
prasti panori,
i hrasti barjoven kate;
Meni djilav djilavo-
Čhaja ko peste akharo;
stulo nebo bokhalo zasotijo
i po čhaj mislino,
dade i daja sanjino...
Djoka mange
šukar hi lo.

Ankica
Rajko Šajnovič

Meni čhavo romano
hikju čhaja bedavo
Sakon dive me po Roma phiro
I po čhaj pazino.
Purani hini šesnaest berš
Meni hino petnaest berš
Die Roma nennen sie Ankica,
Roma late Ankica akharen
Pu panori la bičhalen
Gejo meni okalo
Ajo paše potoko
Hiko Anka sar panori pheri
Mange hi lo vaœo meri
Čordžo meni Ankica
Čhividjo lake kantica
Našo laha, akharen late Roma
Lovinen men po droma
Du vešoro ajamo.
Dur Romendar hinamo
Trudno skupa amen zasutijam.

Muzikantarja muzikinen!
Ma mislinen po bokhale pera,
taha hilo još jek dive.

Photo: M. Heinschink

ROMANO CENTRO Nr. 25, 06/1999