|
<
zurück | Deutsch
Elfriede Jelinek
E Elfriede Jelinek, jek but ašundi autorkinja ande Austrija, sî but angažirime pala 1' Řom.
 Kana ašundà pa xaimos le štare Řomengo ando Oberwart, sas lakê but pharimos po ilo. Anda kodja ramosardà jek kotor pala teatro, anavesa: "Stecken, Stab und Stangl". Numa či kamlà te avel lako teatrosko kotor ande Austrija ando teatro, kê darajli te avel kate ande Austrija maj bilaśimos taj nekazo, te ašunen le gaźe katka laki zurali kritika. Ando baro njamco, kaj sîkadilo lako kotor ando teatro, le ğaźengê palčaja aj e kritika maj but sas laśi taj maladi. E autorkinja dija amen, te ankalas kotora pala amaro žurnali taj ramosardà amengê jek skurto vorba anglal:
Pala xaimos êl štare Řomengo ando Oberwart, kamlem te ramov jek maj bute glasongo xoro, savo sîkavel o trajo le Řomengo kaj sî de bute šele bêršendar prezirime taj prikêzime. Či del pe lengê te aven xaćarimaskê numa trajo sî le len. Gîndiv kê "e montaža" sar ramomasko principo, maladol pe kaća bući. Aj pe kaća sama ramosardem o kotor: Kidem kotora kata '1 divanur le politikakê manušendar, kidem kotora anda '1 žurnalur, kaj maren muj e Řomendar, kidem kotora kata '1 televizijakê emisije .... Anda sa kodola kotora kêrdem kodja, so sas ma te mothav.
(o teksto le teatrosko či nakhadàm katka pe řomaji šib, kê prà pharo lo)
Duj bêrš pala o xaimos le Řomengo ando Oberwart, o bajo sî i ağes but aktuelno!
Photo: Dragan Jevremović, P. Meissner
ROMANO CENTRO Nr. 16, 03/1997
|
